2018 йилнинг 27-28 сентябрь кунлари Тошкент шаҳрида “Оилани мустаҳкамлаш ва ўсиб келаётган ёш авлодни тарбиялашда ўзини ўзи бошқариш органларининг роли” мавзусидаги халқаро илмий-амалий конференция бўлиб ўтади.
Унда Афғонистон, Бельгия, Буюк Британия, Италия, Испания, Жанубий Корея, Миср, Покистон, Озарбайжон, Россия, Ҳиндистон каби ўндан ортиқ хорижий давлат вакиллари ҳамда МДҲ, ШҲТ аъзолари иштирок этади.
Конференция дастурида “Баркамол авлод тарбиясида фуқароларнинг ўзини ўзи бошқариш органлари ва оиланинг тутган ўрни” ва “Оила институти ва оила сиёсати: муаммолар, ривожланиш тенденцияси ва истиқболлари” мавзуларида ялпи йиғилишлар, шунингдек, “Репродуктив саломатлик ва демографик ривожланиш масалалари, оилалар ҳаёт даражаси ва фаровонлигини ошириш”, “Ёшларнинг маънавий-ахлоқий тарбияси ва замонавий оила моделини шакллантириш” мавзуларида шўъба йиғилишлари ўтказиш режалаштирилган.
Конференция пойтахтимиздаги “International Hotel Tashkent” меҳмонхонасида бўлиб ўтади.
ЎзА