Бутунжаҳон бокс иттифоқи (WBО) сентябрь ойи учун янгиланган рейтингни эълон қилди. Ундан 7 нафар боксчимиз ўрин олди.
Жадвалнинг ўта енгил вазн тоифасида Олимжон Назаров иккинчи поғонадан жой олган бўлса, Муроджон Аҳмадалиев биринчи ярим енгил вазн тоифасида 6 – ўринни эгаллади. Ярим енгил вазнда рингга кўтарилаётган Отабек Холматов ўтган ойдаги ўрнидан бир поғона юқорилаб, 13 – ўринни банд қилди.
Чемпионлик камарини кўзлаётган супер енгил вазндаги боксчимиз Шоҳжаҳон Эргашев ҳам учинчи ўринни сақлаб қолди. Ярим ўрта вазн тоифасида Шаҳрам Ғиёсов еттинчи, супер ярим вазнда эса Исроил Мадримов 13 – поғонани эгаллади. Бектемир Мелиқўзиев супер ўрта вазнда ўтган ойдаги каби 9 – ўриндан жой олди.
Жавоҳир Тошхўжаев, ЎзА