“8 март байрамида аёлларга гул совға қилмоқчи бўлсангиз, яхшиси ифорсиз гул танланг. Улар одатда хавфсиз бўлади, дейди врачлар.

«8 март байрамида харид қилинадиган декоратив гуллар нисбатан жуда кам аллергия қўзғайди. Атиргул, лолалар, лилия, гунафшаранг гулсапсар, орхидея гуллари одатда ҳашоратлар орқали чангланади. Шу боис уларда оғир чанглар кўп бўлмайди ва ҳавода кўп турмайди. Бундай гуллар аллергия қўзғашга кучсизлик қилади», – дейди аллерголог-иммунолог врач Владимир Болибок РИА Новостига берган интервьюсида.

Баҳорда совға қилинадиган гуллардан одатда мимозалар аллергия қўзғаши мумкин, чунки мазкур гулларни шамол чанглайди, уларнинг чанги ҳавода кўп вақт сузиб юради, шу боис ушбу гулдан эҳтиёт бўлиш лозим.

Врачларнинг фикрича, яхшиси, ифорсиз ва чангсиз гулларни танлаган маъқул, чунки улар хавфсиздир.

Ўзининг аллергия билан боғлиқ муаммоси борлигини яхши биладиган, лекин эркаклардан гул кутадиган аёллар яхшиси, аллергия борлигини олдиндан айтиб қўйган маъқул, дейди экспертлар. Шунда қувончли дамларингиз кўнгилсиз воқеага айланмайди.