Бу ҳақда Жамоат транспортида йўл ҳақини тўлашнинг автоматлаштирилган тизими (ATTO)нинг 2024 йил бўйича эълон қилган натижаларида маълум қилинди. Қайд этилишича, 2024 йил давомида жамоат транспортларида банк карталари орқали амалга оширилган транзакциялар сони 146,5 миллионга етган. Бу 2023 йилга нисбатан 71,5 фоизга кўпроқ ҳисобланади.
Банк карталари орқали амалга оширилган транзакциялар транспорт карталарини (140 млн. транзакция) ортда қолдирган. 2023 йилда аксинча, транспорт карталари бу борада устун бўлганди.
![](https://cdn.uza.uz/2025/01/29/17/25/8vbgMe4gomOmrj5X9FeumDVE1m6TcDff_front.jpg)
Шунингдек, автобусларда мобил QR-тўловлар 177,4 фоизга, метродаги QR-тўловлар эса 157,6 фоизга ўсган. Тошкент шаҳрида автобуслардаги транзакциялар 52,6 фоизга ўсган. Метрополитенда эса ўсиш бироз пастроқ – 11,6 фоизни қайд этган.
Умуман, 2024 йил давомида жамоат транспортларидаги транзакциялар сони 38 фоизга ўсиб, 510,5 миллионтага етган.
Маълумот учун, Тошкентда 2025 йил 1 январдан бошлаб автобусларда нақд пул қабул қилиш амалиёти тўхтатилди. Нақд пул орқали автобусларда ҳаракатланиш учун бекатлар яқинида ўрнатилган барча тўлов қурилмалари яъни, Paynet, MultiPay ва Oson инфокиоскалари орқали бир марталик чипта харид қилиш мумкин бўлди.
Ш.Маматуропова, ЎзА