Ҳудудда мазкур йўналишдаги ушбу илк корхонада йилига 20 минг тонна брикет ишлаб чиқариш мўлжалланмоқда.

– Корхона ишга туширилганидан сўнг Қанликўл, Шуманай, Хўжайли туманларининг брикетга бўлган эҳтиёжи тўла таъминланади, – дейди “Брикет Шоманай” масъулияти чекланган жамияти раҳбари А.Аблезов. – Брикет саноатидаги асосий хомашё – кўмирнинг ВР1, ВР2 қумлари Ангрендан келтирилади. Умумий қиймати 3 миллиард сўм бўлган ушбу лойиҳа учун банк кредити ажратилади.

Маълумотларга кўра, Қорақалпоғистонда брикетга бўлган талаб йилига 41 минг тоннани ташкил қилади.

Корхона ишга тушиши билан 12 кишининг доимий бандлиги таъминланади.