Nukus shaxrida Olimpiya va paraolimpiya sport turlariga tayyorlash sport bazasida kurash bo’yicha bosh prokuror kubogi uchun bellashuvning shaxar bosqichi o’tkazildi.

Besh tashabbus doirasida o’tkazilib kelayotgan ushbu tadbir mahallalarda sektorlar doirasida bo’lgan bellashuv g’oliblarini, yosh polvonlar, sportchilar va uyushmagan yoshlarni ham qamrab oldi. Mazkur kubog uchun o’g’il bolalar besh yo’nalish, qizlar esa to’rtta yonalish bo’yicha o’z tumanini himoya qildi.

“Ustuvor beshta tashabbus» onlayn tizimi bo’yicha Qoraqalpog’iston respublikasida uch mingdan ortiq yoshlar ro’yhatdan o’tgan bo’lsa, ushbu kunga kelib viloyat bosqichida yuzdan ortiq g’oliblar faol qatnashdi.

– Bu tadbirni o’tkazishdan asosiy maqsad, Qoraqalpog’iston yoshlari o’rtasida sportga bo’lgan e’tiborni kuchaytirish va ulardagi qobilyatlarni yuzaga chiqarishdir. Biz bu tadbir bilan cheklanib qolmaymiz”,-deydi O’zbekiston yoshlar ishlari agentligi Nukus shaxri bosh xodimi Miyras Abdiramanov.

Nukus shaxrida bo’lib o’tgan yoshlar ortasidagi bellashuvda 40 nafar yoshlar qatnashdi. Keskin davom etgan ushbu tadbirda kuchlilar malum bo’ldi. G’oliblar Qoraqalpog’iston Respublikasi bosqichiga yo’llanmani qo’lga kiritdi.

Nurbek Alimboyev,

QDU Jurnalistika fakulteti 4-kurs talabasi.

Qoraqalpog’iston axborot agentligi