Shaxmat bo‘yicha O‘zbekiston terma jamoasining Osiyo o‘yinlarida qatnashadigan tarkibi e’lon qilindi.
Unga ko‘ra, mamlakatimiz erkaklar terma jamoasi Nodirbek Abdusattorov, Javohir Sindorov, Nodirbek Yoqubboyev, Jahongir Vohidov, Shamsiddin Vohidovdan iborat bo‘lsa, ayollar terma jamoasi Nilufar Yoqubboyeva, Umida Omonova, Afro‘za Hamdamova, Marjona Malikova, Maftuna Bobomurodovadan tashkil topgan.
Shaxmatchilarimizga 19-Osiyo o‘yinlarida tajribali grossmeyster Rustam Qosimjonov murabbiylik qiladi.
Osiyo o‘yinlarining shaxmat musobaqalari 24 sentyabr – 7 oktyabr kunlari o‘tkaziladi.
T.Ro‘ziyev, O‘zA