![](https://cdn.uza.uz/2021/06/17/07/49/GeP0sQrAzdnE00URBiHDVXLXHHMmCfE2_front.jpg)
Prezident Shavkat Mirziyoyev 17 iyun kuni Andijon viloyatiga keldi.
Izboskan tumanining Qo‘g‘ay mahallasi – eng chekka hududlardan biri. Iqtisodiy imkoniyatlar natijasida qishloqlarga ham sanoat kirib bormoqda. Bu aholini ish bilan ta’minlashda juda muhim.
![](https://cdn.uza.uz/2021/06/17/07/49/kQQAVet5pqLg5Ov5BiiSzAL0xg2nPu2a_front.jpg)
Yaqinda ushbu mahallada “Sohib omad barakasi” klasteri tomonidan “And gold” tikuv-trikotaj korxonasi ishga tushirildi.
![](https://cdn.uza.uz/2021/06/17/07/49/LDUPwLgNB1s4LlVsuKLbGzu8QURHZqH2_front.jpg)
Davlatimiz rahbari mazkur fabrika faoliyati bilan tanishdi.
![](https://cdn.uza.uz/2021/06/17/07/49/IW9MVjvXCoCBz7jASCWQ4elrv1v93dRu_front.jpg)
Qiymati 2 million 500 ming AQSH dollari bo‘lgan loyiha doirasida yangi bino qurilib, zamonaviy uskunalar keltirib o‘rnatilgan. Korxona yiliga 3 million 500 ming dona tayyor trikotaj ishlab chiqarish quvvatiga ega. Mahsulotlarni 100 foiz eksportga yo‘naltirish rejalashtirilgan. Bu boradagi yillik imkoniyat 5 million dollardan ziyod. Halitdanoq kalava ip yetkazib berish bo‘yicha Xitoy va Rossiya bilan shartnoma tuzilgan.
![](https://cdn.uza.uz/2021/06/17/07/49/tuYzVx03bLj5bdJWZfSHwBR6CNqCMPml_front.jpg)
Korxonada hozircha 830 nafar xotin-qiz ishli bo‘ldi. Prezidentimiz ular bilan suhbatlashdi.
![](https://cdn.uza.uz/2021/06/17/07/49/4Nz4wKfeYY2ma3XIKy8MF0HTUXflk4Gv_front.jpg)
– Sizlarga o‘zimning hurmatimni, muhabbatimni bildiraman. O‘zlaringiz yashaydigan qishloqda ishli bo‘lganlaringizdan xursandman. Qachon Izboskanda mana shunday zamonaviy korxona bo‘lgan? Bu ishlarni yana davom ettiramiz. Xotin-qizlarimiz uchun hamma sharoitlarni yaratamiz. Ayol ishli bo‘lib, kayfiyati yaxshi bo‘lsa, oilasi ham baxtli bo‘ladi, – dedi Shavkat Mirziyoyev.
![](https://cdn.uza.uz/2021/06/17/07/49/TkAKlEde1V5HZaLUn9zMhV1t4Pw5NiRs_front.jpg)
Fabrika to‘la quvvatga chiqqanda, chekka hududdagi 1 ming 200 nafar kishi doimiy ish bilan ta’minlanadi.
![](https://cdn.uza.uz/2021/06/17/07/49/8CqlUwOUFvmj6i0F3isj44G08hLfsWju_front.jpg)
Shu yerda Andijon viloyatida sanoat tarmoqlarini rivojlantirish chora-tadbirlari taqdimot qilindi.
![](https://cdn.uza.uz/2021/06/17/07/49/fi1F7wYGH3uVf6O3tcTFAabzxishSvOZ_front.jpg)