Ma’lumki, joriy yilda chet tillarini o‘rganishga yetarli sharoit yaratish va uni ommalashtirish bo‘yicha yangi tizim joriy etila boshlandi. Bunga mas’ul alohida Agentlik tashkil etildi.
Prezident raisligida o‘tayotgan videoselektorda mazkur Agentlikka 127 ta oliygoh rektorlari bilan birga, ikki oyda xususiy sheriklik asosida o‘qituvchi va talabalarga xorijiy tillarni puxta o‘rgatadigan til markazlarini tashkil etish vazifasi qo‘yildi.
Xorijiy tillarda o‘qishni keng targ‘ib etish uchun, bevosita xorijiy mutaxassislar yoki chet elda o‘qib kelgan yoshlarni oliygohlarga keng jalb qilish zarurligi ta’kidlandi.
Har bir oliygoh rektori yil yakuniga qadar kamida 10 nafardan chet elda o‘qib kelgan yoshlarni jalb etib, mutaxassislik fanlarini xorijiy tillarda o‘qitishni
yo‘lga qo‘yish kerakligi aytildi.
O‘zA