Joriy yilning 27-31 mart kunlari Rossiya Federatsiyasining Qozon shahrida “Kazanskaya chasha 2019” xalq amaliy sanʼati va badiiy hunarmandchiligi xalqaro koʻrgazma yarmarkasi oʻtkaziladi.
Mazkur xalqaro koʻrgazma Rossiyada oʻtkaziladigan eng yirik koʻrgazmalardan biri boʻlib, unda sal kam 200 kompaniya va uyushma, dunyoning turli davlatlaridan hunarmandlar tashrif buyuradi.
Koʻrgazma yarmarkada seminar va mahorat darslari anʼanaviy ravishda oʻtkaziladi.
Shuningdek, bu yerda hunarmandlar, dizaynerlar, ulgurji va chakana savdo vakillari bilan uchrashish imkoniyati mavjud.
Mazkur koʻrgazma yarmarkada oʻzbek hunarmandlari ham ishtirok etadi.
OʻzA