Prezidentimizning 2017 yil 28 fevraldagi “Qoraqalpogʻiston Respublikasi Moʻynoq tumanini 2017-2018 yillarda iqtisodiy rivojlantirish va bandlikni taʼminlashga doir qoʻshimcha chora-tadbirlar toʻgʻrisida”gi qarori asosida hududda keng koʻlamli ishlar amalga oshirilmokda.
Xususan, tumandagi “Ekologiya” muzeyi “Urganchtransgaz” shoʻba korxonasi tomonidan rekonstruksiya qilinib, yangi qiyofa kasb etdi.
– Qoraqalpogʻiston Respublikasi tarixi va madaniyati davlat muzeyi filiali sifatida faoliyat koʻrsatayotgan ushbu maʼnaviyat maskanida 300 dan ortiq eksponat mavjud, – deydi Qoraqalpogʻiston Respublikasi tarixi va madaniyati davlat muzeyi katta ilmiy xodimi Saniya Boybosinova. – Muzeyga tashrif buyurganlar Orol dengizining oʻtmishi va bugungi kundagi florasi, faunasi va mahalliy aholi etnografiyasi bilan yaqindan tanishish imkoniyatiga ega boʻladi.
Maqsad Habibullayev (surat), OʻzA