Президентимизнинг 2017 йил 28 февралдаги “Қорақалпоғистон Республикаси Мўйноқ туманини 2017-2018 йилларда иқтисодий ривожлантириш ва бандликни таъминлашга доир қўшимча чора-тадбирлар тўғрисида”ги қарори асосида ҳудудда кенг кўламли ишлар амалга оширилмоқда.
Хусусан, тумандаги «Экология» музейи “Урганчтрансгаз” шўъба корхонаси томонидан реконструкция қилиниб, янги қиёфа касб этди.
– Қорақалпоғистон Республикаси тарихи ва маданияти давлат музейи филиали сифатида фаолият кўрсатаётган ушбу маънавият масканида 300 дан ортиқ экспонат мавжуд, – дейди Қорақалпоғистон Республикаси тарихи ва маданияти давлат музейи катта илмий ходими Сания Бойбосинова. – Музейга ташриф буюрганлар Орол денгизининг ўтмиши ва бугунги кундаги флораси, фаунаси ва маҳаллий аҳоли этнографияси билан яқиндан танишиш имкониятига эга бўлади.
Мақсад Ҳабибуллаев (сурат), ЎзА