OʻZBEKinPRINT- OʻZuPACK koʻrgazmasini Oʻzbekistonning qadoqlash va bosma ishi bozoridagi yilning eng muhim voqeasi deb atash mumkin. Bu yil koʻrgazma oʻzining 20 yilligini nishonlamoqda va tayyor qadoq va qadoqqa belgi qoʻyish boʻyicha mahalliy va xorijiy qadoqlash texnikasi ishlab chiqaruvchi va yetkazib beruvchilarini, ishlab chiqarishning boshidan oxirigacha boʻlgan jarayonlar, qadoq, belgi va poligrafiya ishlab chiqarishdan iborat boʻlgan turdosh ishlab chiqarishlarni bir maydonda jamlaydi.

Joriy yildagi koʻrgazma hajmi 16 foizga oshgan boʻlib, unda jami 15 mamlakat – Avstriya, Germaniya, Hindiston, Eron, Italiya, Qozogʻiston, Xitoy, Koreya Respublikasi, AQSH, Turkiya, Fransiya, Rossiya, Oʻzbekiston, Finlyandiya hamda Yaponiyadan 66 ta kompaniya va brend qatnashmoqda.

Yubiley forum uchun qator yirik premyeralar – uskunalarni ishlayotgan holatidagi taqdimotlar tayyorlab qoʻyilgan, bu esa poligrafiya va bosma ishi bozori ishtirokchilari uchun qiziqarli boʻlishi kutilmoqda. Jumladan, Akela Group kompaniyasi stendida uning quyidagi hamkorlari texnologiyalari namoyish etiladi: Line O Matic Graphic Industries (Hindiston), Guangdong Constant Precision Machinery (Xitoy), Zhejiang Horda Machinery (Xitoy), UFLEX Limited (Hindiston) kabi yetakchi xorijiy ishlab chiqaruvchilarning qogʻoz kesish mashinasi, fleksbosma uchun avtomat uskuna, inyeksiyali quyish mashinasi, kitob korpusini tayyorlash uchun avtomatik mashina, babinali-kesish mashinasi va boshqalar.

Qarorgohi Yaponiyaning Tokio shahrida joylashgan bosma ishi sohasidagi global yetakchi boʻlmish Ricoh kompaniyasining bozorga chiqishi yorqin debyut boʻladi, deya eʼtirof etilmoqda. Koʻrgazma doirasida raqamli bosish mashinasi, keng formatli koʻp funksiyali qurilma, lateksli printer namoyish qilinadi. Ricoh Rusning Oʻzbekiston bozoriga rasmiy ravishda kirib kelishi 2017 yilning sentyabr oyida yuz bergandi, oʻshanda raqamli tijorat bosma ishi bozorida uskuna va yechimlarni yetkazib beruvchi yetakchi kompaniyalaridan biri, joriy koʻrgazmada ham ishtirok etuvchi UCD Micros bilan shartnoma imzolangan edi.

Oziq-ovqat va ichimliklar, nooziq-ovqat tovarlari, kosmetika va dori vositalari, qurilish mollari, sanoat mahsulotlari ishlab chiqaruvchilari jahonning taniqli kompaniyalari: Windmoeller & Hoelscher (Germaniya), HAVER&BOECKER (Germaniya), SWEMA (Rossiya-Germaniya), InKomPro-Servis (Rossiya), Ala Sintez (Qozogʻiston), TEKO ALUMINYUM SANAYI (Turkiya), ÜNER PLASTİK (Turkiya), NIKOL-PAK (Rossiya), ERPAKSAM MAKINA (Turkiya)va boshqalar bilan amaliy muzokaralar olib borish imkoniga ega boʻladi.

Koʻrgazma debyutanti – PROFITЕKS kompaniyasi suyuq, yopishqoq va pastasimon mahsulotlarni plastik yoki qogʻoz stakanlarga joylashga moʻljallangan avtomatni namoyish qiladi.

Mahalliy bozorning yetakchi kompaniyalari yuqori faollikni namoyon etmoqdalar, ular mahsulotining sifati va turlari jahonning eng yuqori standartlariga javob beradi: POLIMAKS, UZPOLITEX Holding, POYTAXT SAVDO GROUP, TEZKOR MATBAA, CREDO PRINT, the VORTEX TAPE va boshqalar shular jumlasidan.

Umuman olganda, koʻrgazma Oʻzbekistonda ishlab chiqarilgan mahsulot eksportiga koʻmak berish boʻyicha Respublika hukumatining strategiyasini qoʻllab-quvvatlaydi. Ulkan vazifalar bajarilishini taʼminlash maqsadida korxonalar tayyor sanoat mollari, meva-sabzavot, farmatsevtika, toʻqimachilik, kimyo mahsulotlarini ishlab chiqarishni taʼminlay oladigan texnologiya va xomashyoga investitsiyalar kiritishga tayyor.

Anʼanaga koʻra, OʻZBEKinPRINT- OʻZuPACK koʻrgazmasi uchrashuvlar va tarmoqning barcha yangiliklarini muhokama qilishning eng maqbul joyi boʻlib qoladi.