Yevropa jamoalari oʻrtasidagi eng yirik turnir hisoblanmish Yevropa Chempionlar Ligasining 2-tur oʻyinlari ham boshlanmoqda. Bugun va ertaga klublar oʻz uchrashuvlarini oʻtkazishadi.
Oʻtgan turda oʻz uyida “Lion”ga magʻlub boʻlgan Pep Gvardiola shogirdlari bugun Germaniyaga safar uyushtirishadi. “Reyn-Nekkar-Arena”da boʻlib oʻtadigan oʻyinda “shaharliklar” uchun ochko olish juda muhim.
Ispaniyadan uch ochko bilan qaytgan Allegri shogirdlari esa oʻz uylarida Shveysariyaning “Yang Boyz” klubini qabul qiladi. Diskvalifikatsiya sabab Ronaldu ushbu uchrashuvda turinliklarga yordam bera olmaydi.
Germaniya chempioni “Bavariya” oʻz uyida “lolalar yurti” vakillari – “Ayaks”ni qabul qiladi.
Madridning “Real” klubi Moskvada SSKA bilan kuch sinashadi. Taʼkidlash joizki, ushbu uchrashuvda Lopetegi jamoasiga Ramos, Beyl, Marselo hamda Iskolar jarohat tufayli yordam bera olmaydi.
Mourino jamoasi “Old Tafford”da Ispaniyaning “Valensiya”sini qabul qiladi. Futbolchilar bilan “sen-men”ga borib qolgan Mour uchun ushbu uchrashuv soʻnggisi boʻlishi ham mumkin.
Shuningdek, Gretsiya chempioni AEK “Benfika” bilan, “Lion” “Shaxtyor” bilan “Roma” esa “Viktoriya” bilan kuch sinashadi.
Soat 22:00 da boshlanadigan uchrashuvlar *
Hoffenhaym – Manchester Siti
Yuventus – Yang Boyz
Soat 00:00 da boshlanadigan uchrashuvlar
AEK – Benfika
SSKA – Real Madrid
Bavariya – Ayaks
Manchester Yunayted – Valensiya
Lion – Shaxtyor Donesk
Roma – Viktoriya
* – Toshkent vaqti bilan
O’zA