Xabaringiz bor, joriy yil 11 sentabrda Davlat rahbari “Hududlarda tadbirkorlik tashabbuslari va loyihalarini jadal amalga oshirishni tashkil etish chora-tadbirlari toʻgʻrisida”gi qarorga imzo chekdi. Qarorda berilgan topshiriqlar ijrosini oʻz vaqtida taʼminlash bilan hududlarda tadbirkorlik subyektlarini qoʻllab-quvvatlash, boʻsh turgan davlat obyektlariga investitsiyalarni kengroq jalb etishga erishiladi.

Shundan kelib chiqib, Prezident Administratsiyasi, Bosh prokuratura, mutasaddi vazirlik va idoralar rahbarlaridan iborat hududiy guruh Toshkent viloyatida tadbirkorlarni qoʻllab-quvvatlash boʻyicha amalga oshirilayotgan ishlar bilan yaqindan tanishib, mavjud muammolarni joyida hal etish choralarini koʻrmoqda.

Oʻzbekiston Respublikasi Bosh prokuraturasi huzuridagi Axborot-tahlil multimedia markazi bilan hamkorlikda tayyorlangan navbatdagi videosharh Hududiy guruhning Quyichirchiq, Oqqoʻrgʻon, Chinoz hamda Zangiota tumanlaridagi faoliyati natijalari haqida.