Францияныӊ «ПСЖ» клубы ҳүжимшиси Неймар футбол патшасы Пелениӊ Бразилия сайланды командасында орнатқан рекордын жаӊаламақшы.
– «Бразилия сайланды командасыныӊ еӊ жақсы ҳүжимшиси атаныў мениӊ ушын үлкен абырай,-деп жазады Неймар. – Мен буны қәлемеймен десем, ҳақыйқатлықты жасырған боламан. Әлбетте, бул мениӊ алдыма қойған ҳәм жетемен деп нийет еткен тийкарғы мақсетим болып есапланады. Пеле пүткил Бразилияныӊ кумири, мен оныӊ орнатқан рекордын жаӊаламақшыман.
Мағлыўмат ушын айтып өтиўимиз керек, Пеле Бразилия сайланды командасы қурамында 92 ойын өткерип, оларда 77 гол урыўға ерискен. Ал, 30 жасар Неймар болса, сайланды команда қурамында 116 ушырасыўда майданға түсип, қарсыласлар дәрўазасына 70 гол урыўға миясар болған.
Қарақалпақстан хабар агентлиги