Нөкис гарнизонында Қорғаныў министрлигиниң басламасы менен Нөкис ҳәм Үргенш гарнизонлары әскерий бөлимлериниң хызметкерлери ҳәм олардың шаңарақ ағзалары арасында «Китапқумар әскерий шаңарақ» атамасында Арқа-батыс әскерий округи басқышы өткерилди.
Таңлаўға төрт шаңарақ қатнасып, олар төрт шәрт бойынша өз-ара беллести. Төрешилер қурамы тәрепинен таңлаў қатнасыўшыларының билим дәрежеси, көзқарасы, сахна мәденияты баҳаланып барылды.
Таңлаў жуўмағында майор А.Бердиевтиң шаңарағы биринши, киши сержант Ф.Рахматовтың шаңарағы екинши, үлкен лейтенант Д.Базаровтың шаңарағы үшинши орынды ийеледи.
Жеңимпазлар шөлкемлестириўшилер тәрепинен мүнәсип сыйлықланды.
Т.СЕЙТНАЗАРОВА,
Қарақалпақстан хабар агентлигиниң шолыўшысы