Халық билимлендириў министрлиги усы сораўға жуўап берди.
Өзбекстан Республикасы Министрлер Кабинетиниң 2019-жыл 22-апрельдеги 154-санлы қарары менен улыўма орта билимлендириў мәкемелериниң қәбилетли питкериўшилерин алтын ҳәм гүмис медальлар менен сыйлықлаў тәртиби тастыйықланған.
Оған бола, алтын медаль улыўма орта билимлендириў мәкемелериниң 9-класын питкергени ҳаққындағы айрықша дәрежели шаҳадатнама бар болған, улыўма орта билимлендириў мәкемелериниң 10- ҳәм 11-классларында барлық пәнлер бойынша жуўмақлаўшы қадағалаўлар, шереклик ҳәм жыллық баҳалары айрықша болған, үлгили минез-қулқы ҳәм жәмийетлик жумысларда белсендилик көрсеткен питкериўшилерге бериледи.
Гүмис медаль улыўма орта билимлендириў мәкемелериниң 9-класын питкергени ҳаққындағы айрықша дәрежели шаҳадатнамасы бар болған, улыўма орта билимлендириў мәкемелериниң 10- ҳәм 11-классларында барлық пәнлер бойынша белсендилик көрсеткен питкериўшилерге бериледи.
Қарақалпақстан хабар агентлиги