Усы жыл 21-27-март күнлери аралығында Қарақалпақ мәмлекетлик жас тамашагөйлер театрында «Театр тамашалары ҳәптелиги» өткериледи.

Ҳәптелик шеңберинде театр жәмәәти тәрепинен тамашагөйлер ушын таярланған «Қара дипломат» (Рэй Куни), «Устаз тағдири» (П.Айтмуратов), «Ромео ҳәм Жульетта» (В.Шекспир), «Аўылға қайтыў»(П.Айтмуратов), «Тоғыз тоңқылдақ, бир шиңкилдек»(К.Рахманов), «Тырна пәрлери» ҳәм «Үш ериншек» спектакльлери бийпул  тамаша етиледи.

Сондай-ақ, ҳәптелик даўамында спектакль декорациясы, липаслар ҳәм художниклердиң көргизбелери қойылып, көркем өнер ғайраткерлери менен ушырасыў кешелери өткериледи.

Илаж шеңберинде «Ең жақсы мақала», «Ең жақсы сүўрет», «Ең жақсы аяқ ойын» таңлаўлары өткериледи.

Т.СЕЙТНАЗАРОВА,

Қарақалпақстан хабар агентлигиниң шолыўшысы