Өзиниң заманагөй архитектурасы менен белгили болған Дубайда жасалма Ай қурылады. Бул ҳаққында The Mirror хабар берди.
Дубай курорты оғада бийик жайдың басында Ай қурыўды режелестирип атыр. Қурылыстың баҳасы 4 миллиард фунт стерлинг (шама менен 5 миллиард доллар) ке баҳаланбақта. Жойбарға тийкар салған канадалы исбилермен Майкл Хендерсон 30 метрлик имараттың басына Ай қурыўды режелестирген. Оның узынлығы 274 метрди қурайды.
Жойбар “Ай” деп аталады ҳәм ол жерде адамларға космослық жасалма жолдасқа барыў имканиятын жаратып береди.
“Үмит етемиз, жасалма Ай ҳәр жылы 2,5 миллионнан артық адамды қамтып алады ҳәм жылына 1,5 миллиард фунт стерлинг (шама менен 1,9 миллиард доллар) тен аслам дәрамат келтиреди. Биз дүньядағы ең үлкен брендке ийемиз. Сегиз миллард адам бизиң брендимизди биледи ҳәм бул еле басланыўы”, — деди Хендерсон.
Саёра Шамуратова,
ҚМУ Интернет журналистикасы
тәлим бағдарының 4-курс студенти,
Қарақалпақстан хабар агентлиги