Жас әўладты миллий Ўатансүйиўшилик руўхында тәрбиялаў, олардың бажыхана тараўына қызығыўшылығын оятыў мақсетинде таңлап алынған мектеплерде шөлкемлестирилген «Жас бажыханашылар» дөгереклери өз жумысларын табыслы даўам етпекте.
Қарақалпақстан Республикасы Бажыхана басқармасы тәрепинен аталыққа алынған Нөкис қаласындағы 31-санлы шет тиллерин оқытыўға қәнигелестирилген улыўма билим бериў мектебинде мәмлекетлик бажыхана комитетиниң бажыхана институты бакалавриаты ҳәм магистратурасына оқыўға қабыл етиў тәртиби бойынша түсиниклер берилди.
Оқыў сабағы даўамында бажыхана институты, онда оқыў тәртиби, қабыллаў процесслери ҳәм талаплары, жаратылған шараятлар ҳәм имканиятлар ҳаққында көргизбели қураллар тийкарында мағлыўматлар берилди.
Сабақтың әҳмийетли тәрепи сонда, оқыў сабағы быйыл усы институтты тамамлап жумыс ислеп атырған бажыхананың жас хызметкерлери тәрепинен алып барылды.
Бул жас әўлад ўәкиллериниң тараўға қызығыўшылығын және де арттырып, терең билимге ийе болыўға ҳәм жақын келешекте ҳақыйқый азамат болып ержетиўинде тийкар жаратады, деп исенемиз.
Қарақалпақстан хабар агентлиги.