Президентимиздиң 2024-жыл 17-июль күнги мәҳәллелер инфраструктурасын жақсылаў ҳәм халықтың жақсы жасаўы ушын имканиятлар жаратыў бойынша қабыл еткен қарары талапларының орынланыўын тәмийинлеў арқалы орынларда көплеген машқалалар өз шешимин таппақта.
Қарар тийкарында алып барылып атырған илажлар тийкарында Әмиўдәрья районында электр энергиясы тәмийнаты бир қанша жақсыланды. Тийкарынан төрт мәҳәлледе жәми 15, 6 км ҳаўа тармағы ҳәм 324 дана таяныш үстинлеринде реконструкция жумыслары әмелге асырлмақта.
Тийкарынан, Бестам МПЖ аймағында 3,6 км ҳаўа тармағы ҳәм 61 дана темир бетон таяныш үстинлери, Қаҳарман МПЖ аймағында 3,7 км ҳаўа тармағы ҳәм 84 дана темир бетон таяныш үстинлери, Әмир Темур АПЖ аймағында 4,5 км ҳаўа тармағы ҳәм 108 дана темир бетон үстинлери реконструкцияланды.
Қарақалпақстан хабар агентлиги