5—9 апрель күнлери Румынияныӊ Тыргу-Муреш қаласында бокс бойынша Golden Belt (Алтын кәмар) сериясына киретуғын «Николае Линка» халықаралық турнири болып өтти.
Дүньяныӊ 13 мәмлекетинен шебер боксшилер қатнасқан бул жарыста Өзбекстан сайланды командасы 6 алтын, 4 гүмис, 3 қола медалларын қолға киргизип, улыўма командалық есапта 1-орынды ийелеўге миясар болды.
Олар арасында 48 кг да Асилбек Жалилов, 54 кг да Шаҳзод Музаффаров, 67 кг да Жавлон Йўлдашев, 75 кг да Саиджамшид Жаъфаров, 80 кг да Дилшод Рўзметов, +92 кг да Лазизбек Муллажоновлар алтын, 75 кг да Абдулазиз Абдупаттоев, 80 кг да Одилжон Аслонов, 92 кг да Диёр Ўралов, +92 кг да Жаҳонгир Зокировлар гүмис, 57 кг да Дилшод Абдумуродов, 60 кг да Шунқор Абдурасулов, 63,5 кг да Шоҳрухбек Кенжаевлар қола медалларын жеӊип алды.
11-апрель күни спортшылар Ташкент қаласына қайтып келди.
Адилбай Оразов,
Қарақалпақстан хабар агентлиги шолыўшысы