Өзбекстан Республикасы Президенти Шавкат Мирзиёев ҳәм Россия Федерациясы Президенти Владимир Путин дипломатиялық қатнасықлар орнатылғанының 30 жыллығы мүнәсибети менен бир-бирине қутлықлаў жоллады.
Россия Федерациясы Президенти Уллы мәртебели Мырза В.В.Путинге
Ҳүрметли Владимир Владимирович!
Сизди ҳәм дос Россия халқын Өзбекстан Республикасы ҳәм Россия Федерациясы арасында дипломатиялық қатнасықлар орнатылғанының 30 жыллығы мүнәсибети менен қутлықлайман.
Кейинги жыллары биргеликтеги ҳәрекетлеримиз бенен биз Өзбекстан-Россия бирге ислесиўин мисли көрилмеген жоқары стратегиялық шериклик ҳәм аўқамласлық дәрежесине алып шықтық және халықларымыз арасындағы дослық байланысларын және де беккемледик.
Бүгин Өзбекстан ҳәм Россия бирге ислесиўи ашық-айдынлық, өз-ара исеним ҳәм қоллап-қуўатлаў, бир-бириниң мәплерин ҳүрмет етиў принциплери тийкарында жедел раўажланбақта.
Әмелий бирге ислесиўимиздиң барлық әҳмийетли бағдарларында тығыз ҳәм турақлы қарым-қатнаста болыў имканиятын беретуғын теңсиз, нәтийжелилигин дәлиллеген механизмлерге тийкар салынды.
Өз-ара саўда рекорд көрсеткишлерге жетти. Кең көлемли санаат кооперациясы жойбарлары әмелге асырылмақта. Гуманитар бирге ислесиў раўажланбақта, денсаўлықты сақлаў, илим, мәденият, көркем өнер ҳәм билимлендириў тараўларындағы байланыслар кеңеймекте.
Биз Өзбекстан ҳәм Россия арасындағы дослық ҳәм көп қырлы шериклик қатнасықларын еллеримиз ҳәм халықларымыз мәплери жолында буннан былай да избе-из раўажландырыў ҳәм беккемлеў нийетиндемиз.
Сизге беккем денсаўлық ҳәм мәмлекетшилик жумысыңызға жаңа табыслар, дос Россия халқына болса абаданлық ҳәм раўажланыў тилеймен.
Терең ҳүрмет пенен,
Шавкат Мирзиёев,
Өзбекстан Республикасы Президенти