Халқымыздыӊ миллий байрамы есапланған Наўрыз «Әссалам, Наўрыз-жаӊаланыў, мийрим-шәпәәт ҳәм қәдир-қымбат байрамы» деген ийгиликли идея негизинде улыўмахалықлық сейиллер тәризинде көтериӊки руўхта ҳәм жоқары дәрежеде кеӊнен белгилеп өтиледи.
Қарақалпақстан Республикасы Мәденият министрлигинен алынған мағлыўматларға қарағанда, Наўрыз улыўмахалықлық байрамы Нөкис қаласындағы И.Савицкий атындағы мәмлекетлик көркем өнер музейи алдында, Жаслар орайы имараты алдындағы майданда, «Истиқлол» балалар дем алыў орайында өткериледи.
Байрам сейиллеринде Бердақ атындағы Қарақалпақ мәмлекетлик академиялық музыкалы театры;
– «Айқулаш» Қарақалпақ мәмлекетлик миллий фольклор ансамбли, -Өзбекстан мәмлекетлик филармониясы Қарақалпақстан Республикасы бөлими;
-Өзбекстан мәмлекетлик филармониясы Қарақалпақстан бөлими қурамындағы «Мухаллес» дуўтаршылар ансамбли;
-Қарақалпақ мәмлекетлик жас тамашагөйлер театры;
– Қарақалпақ мәмлекетлик қуўыршақ театры;
-НМПИдиӊ «Тумарис» ансамбли;
-«Мақом» ансамбли;
-«Өзбекконцерт» мәмлекетлик мәкемесиниӊ Қарақалпақстан Республикасы бөлиминиӊ эстрада қосықшылары;
-Нөкис қалалық, Нөкис, Шымбай, Кегейли районлары мәденият бөлимлериниӊ халық ҳәм ҳәўескер жәмәәтлери;
-Нөкис қәнигелестирилген мәденият мектеби;
-Нөкис қаласындағы балалар музыка ҳәм көркем өнер мектеплериниӊ тәрбияланыўшылары халқымызға мәдений хызмет көрсетеди.
Қарақалпақстан хабар агентлиги