Мойнақ районында  Өзбекстан Республикасы Бас прокуратурасы  тәрепинен

Esports Өзбекстан Федерациясы менен биргеликте киберспорт бойынша “Uzbekistan Cup Muynak-2021” Өзбекстан кубоги турнири болып өтти.

Жарысқа Ташкент қаласынан, ӯәлаятлардан ҳәм республикамыздан 300 ден аслам спортшы “FIFA 22”, “PES 22”, “CS:GO”, “DOTA-2”, “PUBG mobile” ҳәм “Counter Strike 1.6” бағдарлары бойынша қатнасты.

Турнир жуӯмағында “DOTA-2” бағдары бойынша биринши орынды Ташкент қаласынан “FIDANZA” командасы, екинши орынды Қарақалпақстан Республикасынан “99 Problems” командасы, үшинши орынды Ташкент қаласынан “Red Star” командасы, “PUBG mobile” бағдары бойынша биринши орынды Наманган ӯәлаятынан “Not Noobs” командасы, екинши орынды Ташкент қаласынан “Royal X Team” командасы, үшинши орынды Ташкент ӯәлаятынан “Royal Team CIS” командасы ийеледи. Сондай-ақ, “CS:GO” бағдары бойынша биринши орын Ташкент қаласынан “Finochka” командасына, екинши орын Самарқанд ӯәлаятынан “Ez4Uzbek’s” командасына, үшинши орын Қарақалпақстан Республикасынан “Meet Your Creator” командасына, “Counter Strike 1.6” бағдары бойынша биринши орын Қарақалпақстан Республикасынан “Innovator” командасына, екинши орын Қарақалпақстан Республикасынан “Extreme” командасына, үшинши орын да Қарақалпақстан Республикасынан “Sun love Kungrad”командасына несип етти.  Буннан тысқары, “FIFA 22” бағдары бойынша биринши орынды Қарақалпақстан Республикасынан Фазылбек Абипов, екинши орынды  Қарақалпақстан Республикасынан Наӯрыз Қаипов, үшинши орынды Қарақалпақстан Республикасынан Саламат Базарбаев, “PES 22” бағдары бойынша биринши орынды Ферғана ӯәлаятынан Абу Бакр Абдиразақов, екинши орынды Қарақалпақстан Республикасынан Руслан Жусипов, үшинши орынды Әндижан ӯәлаятынан Асадуллоҳ Каримов қолға киргизди.

Турнир жеңимпазларына ҳәм сыйлы орын ийелерине ақшалай сыйлық ҳәм усы жылдың 25-декабрь күни Ташкент қаласында болып өтетуғын киберспорт бойынша Өзбекстан чемпионатының финалына жолламалар тапсырылды.

Қарақалпақстан хабар агентлиги