Өзбекстан Республикасы Президентиниң баспасөз хаткери Шерзод Асадов 9-августтағы брифингте мәмлекетимиз басшысы Шавкат Мирзиёевтиң қатнасыўында усы ҳәптеде күтилип атырған әҳмийетли илажлар ҳаққында журналистлерге мағлыўмат берди.
-Бул ҳәптеде де бир қатар илажлар күн тәртибине киргизилген. Бүгин нефть ҳәм газ тараўлары бойынша мәжилис өткерилиўи мөлшерленген.
Сондай-ақ, ҳәпте даўамында Ташкент ўәлаятында өндирис тараўларын раўажландырыў, Сурхандәрья ўәлаятында ишимлик суў тәмийнатын жақсылаў және жол бойларында әмелге асырылатуғын жойбарлар бойынша презентациялар режелестирилген.
Өзбекстан Республикасы Президентиниң елимиз исбилерменлери менен ашық сөйлесиўине де қызғын таярлық көрилмекте,-деди Шерзод Асадов.
ӨзА