Хабарыңыз бар, усы жылдың 15-июнинен баслап тәжирийбе тәризинде Ташкент қаласы, Қарақалпақстан Республикасы ҳәм ўәлаят орайларындағы қалаларда улыўма билим бериў мектеплериниң 1-класына қабыллаў процесслери электрон платформа арқалы әмелге асырылмақта.
Буның ушын, ата-аналар жасайтуғын мәнзили бойынша бириктирилген микроаймақтағы жайласқан мектепке перзентлерин жайластырыў ушын my.maktab.uz сайты арқалы дизимнен өтиўи керек.
Электрон дизимнен өтиў усы жылдың 5-июли күни (сол күни де) жуўмақланады.
Мағлыўмат ушын: Бүгинги күнге шекем электрон платформасы арқалы 40 мыңға шамалас ата-аналардан перзентлерин 1-классқа жайластырыў бойынша арзалар келип түсти.
Электрон дизимнен өтиў бойынша толық мағлыўматларды @mymaktab_uz телеграм каналы ямаса 71 203 07 04 телефон номери арқалы алыў мүмкин.
Бул ҳаққында xs.uz сайты мәлим етти.
Қарақалпақстан хабар агентлиги