«Өзгидромет»тиң басламасы менен Қарақалпақстан Республикасында жайласқан Шымбай районы метеостанциясына атмосфера ҳаўасынан ишимлик суўды ислеп шығарыў «атмосфера суў генераторы» (Airaqua – 7 тазалаў фильтринен ибарат) қурылмасы тәжирийбе (сынаў) тәризинде иске қосылды.
«Өзсуўтәмийнат» АЖның мағлыўматлары бойынша, бул қурылма ишимлик суў жетип бармаған ҳәм жеткерип бериў экономикалық жақтан қымбатқа түсетуғын аймақларға бейимлестирилген. Бул инновациялық технология сынаў тәризинде жолға қойылды ҳәм оннан алынып атырған статистикалық мағлыўматлардан пайдаланған ҳалда республикамыздағы басқа да метеостанцияларға орнатыў режелестирилмекте.
Атмосфера ҳаўасы ығаллықлардың үлкен резервуары екени есапқа алынса, атмосфера суў генераторын орнатыў атмосфера суўын ислеп шығарыўшы дүнья жүзиндеги ең нәтийжели қурылма деп атаў мүмкин. Соны да атап өтиў керек, бул қурылма тазаланған суўдан да тазарақ суў алыў имканиятын береди.
Қурылма атмосфера ҳаўасының ығаллығына ҳәм температурасына қарай күнине дерлик 12 литрден 30 литрге шекем ишимлик суўын жеткерип бериў имканиятын береди. Көп қуўатлылық (1 кВт) талап етпеўи, ықшам, экологиялық таза, пайдаланыўда техникалық жақтан инсан турмысына қәўипсизлиги оның қолайлы тәреплеринен бири болып есапланады.
ӨзА