Нөкис қалалық Санитариялық эпидемиологиялық тынышлық ҳәм жәмийетлик саламатлық бөлиминиң 2021-жыл 17-майдағы хаты тийкарында коронавирус инфекциясы тарқалыўының алдын алыў мақсетинде Ташкент информациялық технологиялар университетиниң Нөкис филиалында оқыў 19-май сәнесинен баслап аралықтан оқытыў (онлайн) тәризинде алып барылады. Бул ҳаққында бизге филиал баспасөз хызмети хабар берди.

Еслетип өтемиз, алдын Қарақалпақ мәмлекетлик университетиниң айырым факультетлеринде оқып атырған студентлер арасында коронавирус инфекциясы анықланғаны себепли оқыў ўақытша онлайн тәризде алып барылыўы ҳаққында хабар берген едик.

Ислам Матеков,

Қарақалпақстан хабар агентлиги.