Өзбекстан Республикасы Президенти Шавкат Мирзиёев Қазақстан Республикасы Президенти Қасым-Жомарт Тоқаев пенен телефон арқалы сөйлести.
Мәмлекетимиз басшысы Президент Қасым-Жомарт Тоқаевты туўылған күни менен қызғын қутлықлап, оған беккем денсаўлық, абаданлық ҳәм табыслар тиледи.
Қазақстан Президентиниң дос мәмлекетлеримиз арасындағы көп әсирлик дослық, жақсы қоңсышылық ҳәм стратегиялық шериклик қатнасықларын беккемлеўге қосқан үлкен үлеси атап өтилди.
Турақлылық ҳәм исенимге тийкарланған жоқары дәрежедеги сөйлесиўлер көп қырлы Өзбекстан – Қазақстан қатнасықларының жедел пәт пенен раўажланыўына хызмет етип атырғаны атап өтилди.
Сөйлесиўде еки тәреплеме ҳәм регионаллық әҳмийетке ийе әҳмийетли мәселелер көрип шығылды. Бурын ерисилген келисимлердиң әмелге асырылыўы бирге ислесиўдиң барлық тийкарғы бағдарларында буннан былай да кеңейиўине хызмет ететуғынына исеним билдирилди.
ӨзА