Кеше, 4-июль күни ҳуқықтаныўшы-блогер Хушнудбек Худайбергенов өз каналында жоқары оқыў орынларының сыртқы бөлимине абитуриентлерден ҳүжжетлерди қабыллаў 15-июльға шекем болып өтетуғыны ҳаққында мәлим еткен еди.
Тастыйықланған мағлыўматларға қарағанда, сыртқы бөлимге ҳүжжетлерди қабыллаў 15-июльға шекем (усы күнниң өзинде де) болып өтеди.
Солай екен, абитуриентлерден өз ўақтында ҳүжжетлерди тапсырыўын сорап қаламыз.
Еслетип өтемиз, алдын жоқары оқыў орынларының сыртқы бөлимине ҳүжжетлерди қабыллаў ўақты сыпатында 1-30-июль күнлери аралығы етип көрсетилген еди.
Ислам Матеков,
Қарақалпақстан хабар агентлигиниң шолыўшысы.