Ташкент қаласында жаңа шақырық Өзбекстан Республикасы Олий Мажлиси Нызамшылық палатасының биринши шөлкемлестириў мәжилиси өз жумысын даўам етпекте.
Мәжилиске басшылық еткен ўәкилликли Регламентке тийкарланып Нызамшылық палатасының жаңа сайланған Спикерине өтти ҳәм Нуриддин Исмоилов мәжилисти алып барыўды даўам етти.
«Өзбекстан Республикасы Олий Мажлиси Нызамшылық палатасы Регламенти ҳаққында»ғы Нызамға муўапық Нызамшылық палатасы Спикериниң орынбасарлары Сиясий партиялар ўәкиллери кеңесиниң усынысына тийкарланып Нызамшылық палатасы тәрепинен сайланады.
Усы Нызамға бола Нызамшылық палатасы Спикери орынбасарларының саны, қағыйда сыпатында, 2 ден артпаўы керек екенлиги белгиленген.
Сиясий партиялар ўәкиллери кеңеси қарарын Сиясий партиялар ўәкиллери кеңесиниң баслығы Актам Хаитов оқып еситтирди. Оған бола, ӨзЛиДеПтен сайланған депутат Мавлуда Хўжаева Олий Мажлис Нызамшылық палатасы Спикериниң орынбасары етип көрсетилди ҳәм даўыс бериў жолы арқалы сайланды.
Соннан соң, ӨзЛиДеПтен сайланған депутат Раҳимжон Ҳакимовты Нызамшылық палатасы Спикериниң орынбасары етип көрсетилди ҳәм даўыс бериў жолы арқалы сайланды.
ӨзА