АҚШтың сайланған президенти Доналд Трамп Truth Social социаллық тармағындағы өз бетинде Fox News видео репостын жайластырды. Онда сайлаўдағы жеңисинен кейин Трамп қайсы сырт еллердиң жетекшилери менен телефонда сәўбетлескени көрсетилген.
Дизимде Израиль бас министри Бинямин Нетаняҳу, Канада бас министри Жастин Трюдо, Саудия Әрабстаны патшалығы мийрасхор шахзадасы ҳәм бас министри Муҳаммед бин Салмон, Франция президенти Эммануэл Макрон, Ҳиндстан бас министри Нарендра Моди, Қубла Корея президенти Юн Сок Ёл ҳәм Украина президенти Владимир Зеленский бар.
Россия президенти Владимир Путин бул дизимде жоқ. 11-ноябрь күни The Washington Post өз дәреклерине тийкарланып Қурама Штатлардың сайланған президенти ҳәм Путин арасында биринши телефон сәўбети болып өткени ҳаққында хабар берген еди. Кремл рәсмийи Дмитрий Песков газетаның хабарын жалған деп, Трамп ҳәм Путин арасында телефонда сәўбет болып өткенин бийкарлаған еди.
Қарақалпақстан хабар агентлиги