Президент Шавкат Мирзиёевтиң Қытайға мәмлекетлик сапары шеңберинде Өзбекстан Республикасының Биринши ханымы Зироат Мирзиёева Қытай Халық Республикасының Биринши ханымы Пэн Лиюань менен ушырасыў өткерди.
Зироат Мирзиёева Өзбекстан ҳәм Қытай арасындағы байланыслардың тамырлары оғада узақ өтмишке барып тақалатуғынын, халықларымыздың бай тарийхы ҳәм мәденияты бүгин дослық, өз-ара исеним ҳәм ҳүрмет руўхында жедел раўажланып атырған қатнасықларымызға әҳмийетли тийкар болып хызмет етип атырғанын атап өтти.
Дос Қытай халқын ай календары бойынша кирип киятырған Жаңа Жыл – Чунь Цзе байрамы менен қутлықлап, ең жақсы тилеклерин билдирди.
Пэн Лиюань Өзбекстан Республикасының Биринши ханымы Зироат Мирзиёева менен даўам етип киятырған дослық қатнасықларын қәдирлеў, мәмлекетлеримиз арасындағы бирге ислесиў барған сайын раўажланып атырғанынан қуўанышлы екенин билдирди.
Сәўбет ҳәр қашанғыдай қызғын орталықта өтти.
ӨзА