Төрткүл районы 1-санлы кәсип-өнер мектебинде «Кәсибим-мақтанышым» темасында таңлаў болып өтти.
Жаслардың бос ўақытларын мазмунлы өткериў, кәсип-өнерге тартыў ҳәм қәбилетли жасларды қоллап-қуўатлаў мақсетинде шөлкемлестирилген бул таңлаўда Төрткүл районы 1- ҳәм 2-санлы кәсип-өнер мектеплери ҳәм Елликқала районы кәсип-өнер мектеби жасларынан ибарат командалар өз-ара беллести.
Таңлаў соңында биринши орынды 1-санлы кәсип-өнер мектебиниң жаслары, екинши орынды 2-санлы кәсип-өнер мектеби ҳәм үшинши орынды Елликқала кәсип-өнер мектебиниң командасы ийеледи.
Жеңимпаз ҳәм сыйлы орын ийелери шөлкемлестириўшилер тәрепинен естелик саўғалар ҳәм ҳүрмет жарлықлар менен сыйлықланды.
Д.Абибуллев,
Қарақалпақстан хабар агентлиги