Мәжбүрий орынлаў бюросы Қарақалпақстан Республикасы басқармасы излеў секторы ҳәм Ишки ислер министрлиги жәмийетлик қәўипсизлик хызмети Жол ҳәрекети қәўипсизлиги басқармасының хызметкерлери менен биргеликте қарыздарлық бойынша излеўде турған автотранспорт қуралларын табыў бойынша рейд илажлары өткерилип келинбекте.

Мине усындай илажлардың биринде жәми 128 мәрте жол ҳәрекети қағыйдаларын бузған шахстың басқарыўындағы «COBALT» маркалы автотранспорт қуралы усы жылдың 25-ноябрь күни табылып, автомашина тийисли тәртипте жәрийма майданшасына жайластырылды.

Анықланыўынша, пуқара Ж.У. «COBALT» маркалы автомашинаны басқарып, 2023-жылы ҳәм усы жылдың өткен дәўири даўамында жол ҳәрекети қағыйдаларын бузғаны себепли Жол ҳәрекети қәўипсизлиги басқармалары тәрепинен жәми оған 82,6 миллион сумлық 128 ҳәкимшилик жәрийма қолланылған.

Д.Абибуллаев,

Қарақалпақстан хабар агентлиги