24-январь күни Пекин қаласы Тяньаньмэнь майданындағы Халық жыйынлары үйинде мәмлекетлик сапар менен Қытайда болып турған Өзбекстан Республикасы Президенти Шавкат Мирзиёевти рәсмий күтип алыў мәресими болды.
Мәмлекетимиз басшысы ҳүрметине ҳүрметли қараўыл сап тартты.
Қытай Халық Республикасы Баслығы Си Цзиньпин Өзбекстан Республикасы Президенти Шавкат Мирзиёевти күтип алды.
Жетекшилер еки мәмлекет рәсмий делегациялары ағзаларын қутлықлады.
Әскерий оркестрдиӊ атқарыўында Өзбекстан ҳәм Қытай гимнлери жаӊлады.
Ҳүрметли қараўыл баслығы Президентимизге рапорт берди. Мәмлекет басшылары ҳүрметли қараўыл қатары алдынан өтти.
Мәресимнен соӊ жоқары дәрежедеги сөйлесиўлер басланды.
ӨзА