Мойнақ районында пляж футболы бойынша Өзбекстан кубоги жарысының жеңимпазы анықланды.
Қарақалпақстан Республикасы Жоқарғы Кеңеси ҳәм Министрлер Кеңеси, Өзбекстан Республикасы Жаслар сиясаты ҳәм спорт министрлиги менен биргеликте шөлкемлестирилген жарыс финалында Қашқадәрья ўәлаяты ҳәм Мойнақ районының командалары ушырасты.
Қызықлы өткен беллесиўде майдан ийелери 5:4 есабында жеңиске ерисип, Өзбекстан кубогиниң ийеси болды.
Жарыс жеңимпазлары ҳәм сыйлы орын ийелерине шөлкемлестириўшилер тәрепинен кубок, диплом ҳәм қымбат баҳалы саўғалар тапсырылды.
Даўыт АБИБУЛЛАЕВ,
Қарақалпақстан хабар агентлигиниң шолыўшысы