Өзбекстан Республикасы Экономика ҳәм қаржы министрлиги ҳәм Орайлық банк арасында Бирден-бир есап бети арқалы бюджет төлемлериниң 24/7 режиминде ислеў тәртиби енгизилди.
Онда, салық дәраматлары ҳәм халық тәрепинен әмелге асырылған төлемлердиң келип түсиўи ҳәм қәрежетлердиң әмелге асырылыўы дем алыс ҳәм байрам күнлери, таң ямаса түн болыўына қарамастан 24/7 режимде онлайн тәмийинленеди.
Бул болса өз гезегинде, халық тәрепинен төленген төлемлерди тийисли бюджет шөлкемлеринде өз ўақтында көриў имканиятын жаратады.
Мысал ушын, шемби ямаса банк жумыс күни саат 17:00 ден соң төленген контракт төлемлери де тийисли университеттиң бирден-бир ғазна есап бетлерине түсиўи тәмийинленеди. Соның менен бирге, бюджет төлемлери де сол тәртипте әмелге асырылады.
Қарақалпақстан хабар агентлиги