Өзбекстан Республикасы Президенти Шавкат Мирзиёев Ашхабад қаласына келгеннен соң, Түркмен халқының миллий жетекшиси Түркменстан Халық Мәсләҳәти Баслығы Гурбангули Бердимуҳамедов пенен ушырасыў өткерди.
Еки тәреплеме күн тәртибиндеги әҳмийетли мәселелер көрип шығылды.
Өзбекстан менен Түркменстан арасындағы көп тәреплемели қатнасықлар жедел раўажланып, мәмлекетлеримиздиң стратегиялық шериклиги избе-из беккемленип атырғаны қанаатланыўшылық пенен атап өтилди.
Саўда, санаат, энергетика, аўыл ҳәм суў хожалығы, транспорт тараўларында ҳәм басқа да тийкарғы бағдарларда әмелий бирге ислесиў кеңейип баратырғаны атап өтилди.
Өзбекстан ҳәм Түркменстан жетекшилери регионаллық бирге ислесиў мәселелери бойынша да пикир алысты, болажақ илажлар режесин көрип шықты.
ӨзА