31-июль күни Өзбекстан Республикасы Президенти Шавкат Мирзиёевтиң Түркия Республикасы Президенти Режеп Таййип Эрдоған менен телефон арқалы сөйлесиўи болып өтти.
Өзбекстан менен Түркия арасындағы көп тәреплемели бирге ислесиўди буннан былай да кеңейтиў ҳәм кең көлемли стратегиялық шериклик қатнасықларын беккемлеўдиң әҳмийетли мәселелери көрип шығылды.
Сиясий, саўда-экономикалық, инвестициялық ҳәм мәдений-гуманитарлық бирге ислесиў ҳәм еки мәмлекет аймақлары арасындағы нәтийжели байланыслар избе-из раўажланып атырғаны үлкен қанаатланыўшылық пенен атап өтилди.
Санаат кооперациясы бойынша, соның ишинде, энергетика, таў-кән, азық-аўқат, тоқымашылық ҳәм басқа да тармақларда жаңа жойбарларды алға қойыў әҳмийетли екенлиги атап өтилди.
Болажақ биргеликтеги илажлар режеси, атап айтқанда, жоқары дәрежедеги Стратегиялық бирге ислесиў кеңесиниң гезектеги мәжилисин өткериў мәселелери көрип шығылды.
Регионаллық күн тәртибиндеги мәселелер бойынша да пикир алысылды.
ӨзА