Студентлер оқыўын көшириў ушын арзалар 5-августқа шекем төмендеги платформалар арқалы қабыл етиледи:
– мәмлекетлик жоқары билимлендириў мәкемелераралық – transfer.edu.uz арқалы;
– сырт елли ҳәм мәмлекетлик емес ЖООлардан – my.uzbmb.uz арқалы.
Мәмлекетлик жоқары билимлендириў мәкемесиниң биреўинен екиншисине оқыўды көшириўге төмендеги 2 жағдайда ғана рухсат бериледи:
– студент шаңарақ қурыўы мүнәсибети менен өмирлик жолдасы турақлы жасайтуғын аймақтағы жоқары билимлендириў мәкемесине оқыўды көшириў ушын мүрәжат еткенде;
– мәмлекетлик уйымлардың хызметкерлери жумыс орны өзгерген жағдайда оған өмирлик жолдасы ямаса жас өспиримге перзенти оқыўды көшириў ушын мүрәжат еткенде, тийисли министрлик (уйым) баслығының усынысы тийкарында.
Қарақалпақстан хабар агентлиги