Хабарыңыз бар, Өзбекстан Республикасы референдумын өткериўши 1-Қарақалпақстан округлик комиссиясының мәжилисинде округ аймағында дүзилген референдум өткериўши 653 участкалық комиссия ағзалығына улыўма 7 мың 931 ағза тастыйықланған еди.
1-Қарақалпақстан округлик комиссиясының баслығы У.Жалменов Нөкис районында дүзилген 23 участкалық комиссиялардың баслықлары, орынбасарлары ҳәм хаткерлери менен ушырасыў өткерди.
Ушырасыўда референдумға таярлық көриў ҳәм оны өткериў бойынша тийкарғы илажлар бағдарламасына муўапық әмелге асырылып атырған жумыслар ҳәм алдағы ўазыйпалар бойынша пикир алмасты.
Сондай-ақ, «Өзбекстан Республикасының референдумы ҳаққында»ғы нызамына муўапық участкалық комиссиялар тәрепинен атқарылатуғын ўазыйпалар ҳаққында мағлыўматлар берилди.
Ушырасыўда қатнасыўшылар тәрепинен 1-Қарақалпақстан округлик комиссиясының Баслығына сораўлар берилип, оларға тийисли жуўаплар алды.
Адилбай Оразов,
Қарақалпақстан хабар агентлиги шолыўшысы