Быйылғы жылы Кегейли районындағы фермер хожалықлары тәрепинен 6000 гектар майданға шигит егиў режелестирилген.
Усы мақсетте райондағы “KEGEYLI-SHÍMBAY AGRO KLASTER” жуўапкершилиги шекленген жәмийетине қараслы жер майданында 2023-жылдың зүрәәти ушын шигит егисине арналған көргизбели семинар болып өтти.
Оған Кегейли районы ҳәкими Д.Утемуратов, сектор басшылары, АПЖ ҳәм фермер хожалық баслықлары қатнасты.
Семинарда шығып сөйлеўшилер тәрепинен шигит егисиниң агротехникасы ҳәм сапалы егиў жумыслары бойынша керекли мәсләҳәтлер берилди. Буннан соң жақсы нийетлер менен шигиттиң районласқан сортларының дәслепки туқымлары себилди.
Мағлыўмат ушын, быйылғы Кегейли районындағы 197 фермер хожалықлары тәрепинен 6000 гектар жерге шигит егиў режелестирилген.
Адилбай Оразов,
Қарақалпақстан хабар агентлигиниң шолыўшысы