14-январь –Ўатан қорғаўшылары күни мүнәсибети менен Қоңырат районы Қырққыз посёлкалық пуқаралар жыйыны аймағында жайласқан әскерий бөлимде байрам кешеси болып өтти.
Илажда Коңырат районы ҳәкиминиң орынбасары А.Мамутов Өзбекстан Республикасы Қураллы Күшлери дүзилгенлигиниң 31 жыллық байрамы менен қутлықлап, ана Ўатанды қорғаўды өзлерин парыз деп билген барлық офицер, сержант ҳәм әскерлерге өзиниң миннетдаршылығын билдирди.
Сондай-ақ, кешеде әскерий миннетин шын кеўилден орынлап, жоқары нәтийжелер көрсеткен бир қатар әскерий хызметкерлерге район ҳәкимлигиниң Ҳүрмет жарлығы ҳәм баҳалы саўғалар тапсырылды.
Соңынан байрам илажы республикамызға белгили көркем өнер хызметкерлери тәрепинен таярланған концерт бағдарламасы менен қызықлы даўам етти.
Адилбай Оразов,
Қарақалпақстан хабар агентлиги шолыўшысы