Саудия Арабстанының Жидда қаласында футбол бойынша Испания Суперкубогиниң екинши ярым финал ойынлары болып өтти.

Онда Мадридтиң «Реал» клубы «Мальорка» менен ушырасып, 3:0 есабында жеңип шығыўға еристи. «King Abdullah Sports City»  стадионында өткерилген ойынның биринши таймында есап ашылмаған болса, екинши таймның 63-минутында Джуд Беллингем «Мальорка» дәрўазасын анық нышанға алыўға миясар болды.

Ушырасыўдың 90+2 минутында «Мальорка» қорғаўшысы Вальент өз дәрўазасына күтилмегенде гол урып, «Реал»дың толық үстинлигин тәмийинлеген болса, 90+5 минутта Родриго ойынға соңғы ноқатты қойды.

Солай етип, оғада қыйын өткен ушырасыўда Мадрид клубы финалға жол алды ҳәм 12-январдан 13-январға өтер ақшамда өткерилетуғын ойында өзиниң әзелий қарсыласы «Барселона» менен ушырасады.

Адилбай Оразов,

Қарақалпақстан хабар агентлиги шолыўшысы