Лос-Анджелестеги өрт төбешиктеги белгили «Hollywood» жазыўына шекем жетип келди. Жүз берген өртте кеминде бес адам қайтыс болған. Бул ҳаққында округ шерифи Роберт Луна «ABC» телекомпаниясына мәлим етти.
Калифорния өрт өшириў хызмети мағлыўматларына бола, Лос-Анджелестеги өртлердиң улыўма майланы 10 мың гектардан асқан ҳәм тынбай өсип бармақта. Мыңнан аслам имаратлар өртте күл болған. Аймақтағы 930 мыңнан аслам тутыныўшы электрсиз қалған.
Белгили шахслар, атап айтқанда, АҚШ президентлиги ушын гүрескен Камала Ҳарристиң резиденциясы, актёрлар Бен Аффлек, Том Ҳэнкс, қосықшы Рианнаның үйлери өрт ишинде қалды.
АҚШ пәрўазларды басқарыў федерал агентлиги өрт зоналары бойынша ушыўды қадаған етти. Голливуд төбеликлери, Палисейд байлар районы ҳәм Малибу пляжы солардың қатарына киреди.
«AccuWeather» консультация компаниясына бола, Лос-Анджелестеги өрттен көрилген зыян 52-57 млрд долларға жетиўи мүмкин.
Қарақалпақстан хабар агентлиги