Өзбекстан Ипотеканы қайта қаржыландырыў компаниясының мәлим етиўинше, киятырған ҳәптеден айырым банклер тәрепинен екилемши (арзан) ипотека кредитлери ажыратылыўы мүмкин.
Бирге ислесиўши коммерциялық банклер тәрепинен киятырған ҳәптеден Өзбекстан Ипотеканы қайта қаржыландырыў Компаниясы ресурслары есабынан ипотека кредитлериниң ажыратылыўы күтилмекте.
Компания тәрепинен кредит алыўшыларға талаплардың айырым бөлеги жаңаланған. Ипотека кредитин айлық орташа дәраматы 15 миллион сумнан артпайтуғын ҳәм атында ипотека кредити жоқ болған физикалық тәреплер рәсмийлестириўи мүмкин.
Кредит шәртлери төмендегише, процентлик ставкасы турақ жай сатып алыў ушын-18 процентке шекем, қайта оңлаўға-17 процентке шекем, турақ жай алыў ушын – 400 миллион сумға шекем, қайта оңлаўға – 80 миллион сумға шекем ажыратылады.
Турақ жай сатып алыў ушын мүддети – 10 жылдан 20 жылға шекем, қайта оңлаўға – 10 жылға шекем, басланғыш төлем, турақ жай сатып алыў ушын- кеминде 25 процент, қайта оңлаўға талап етилмейди.
Қарыз алыўшының максимал айлық сап дәраматы – 15 миллион сумнан артпаўы керек. Ипотека кредитлериниң кеминде 35 процент ҳаял-қызларға берилиўи зәрүр. Бурын 30 процент еди.
Ш.Маматуропова, ӨзА