Өткен шемби ҳәм екшемби күнлери Қатарда өткерилип атырған жәҳән чемпионатында 1⁄8 финал ойынлары болып өтти.
Нидерландия ҳәм АҚШ сайланды командалары арасында өткерилген дәслепки күнде «ушар голландлар» океан арты футболшыларын 3-1, Месси жетекшилигиндеги Аргентина Австралияны 2-1 есабында жеңип шығыўға еристи.
Ал, екинши күни өткерилген ушырасыўларда болса, әмелдеги жәҳән чемпионы Франция Польшаны 3-1, Англия болса Сенегалды 3-0 есабында жеңип шығып, шерек финал жолламасын қолға киргизди.
Солай етип, ендиги шерек финаль ойынларында Аргентина Нидерландия менен, Франция болса Англия менен ушырасатуғын болды.
Адилбай Оразов,
Қарақалпақстан хабар агентлиги шолыўшысы